Sumik siunertaqarpa?

Amermik matuersaasiviliorneq Workshop

Workshoppernermi uani atuartut kalaallisuunut kalaallisuullu kulturitsinnut isumaqassusaat pillugit ilisaritinneqassapput. Tassani oqaluuserissavarput sooq kalaallisuut atorneqartartut, qaqugukkut atorneqartartut aammalu suliarineqarneri qanoq suliaatigalutillu assassornartigisartut.

Tamatuma kingorna atuartut namminneq nutaaliorlutik ammerissapput matuersaatinullu kusassaatissaminnik suliaqassallutik.

  • Nukarliit akulliillu putuliornermik takisuumillu amitsumik ammerissapput aammalu annikitsumik ilusilersuissallutik.
  • Angajulliit avittarnermik misiliinissamut periarfissinneqassapput, ileqqugut malillugit avittarneq kalaallisuuni aamma atorneqartartut.

Workshoppertitsineq atuartunut suliassatigut nutaaliornikkullu misilittaatitsissaaq tassani ilaatigut eqqumiitsuliornermik, kulturimik, assassornermilu ileqqutoqqanik ilinniassallutik. Nammineq toqqakkat, kulturilerineq aamma kinaassuseqarneq ukkataralugit atuartitsinermut immikkuullarissumik tulluarpoq.

Atuartut aamma kalaallisuuliornermut tunngatillugu paasinninnerulissapput qanoq piffissatornartigisoq, eqqorluaaniarnartigisoq aammalu assassornartigisoq.

Ilinniartitsisoq: Sara Marie Berthelsen

Amerlassutsit: amerlanerpaamik klasse ataaseq (atuartut 26-t)

Sumi: Atuarfik imaluunniit Illorput

Klassimi inissat tamakkerneqassappata holdinut marlunnut avinneqassaaq, holdip aappa amermik mersornermik holdillu aappaa marriornermik sammisaqassallutik. Ima paasillugu ingerlatsinermi klassimi tamakkerlutik workshoperfissanik marluusunik ingerlatsisinnaaqqullugit katillugit ingerlasussat sisamaassapput. Marluullutik Illorput-imi ataatsikkut ingerlanneqassapput. (Marriorneq pillugu uani paasisaqarnerugit: Tupilak (Marriornermi Tupilaliorneq), Qulleq (Marriornermi Qulliliorneq) imaluunniit imerfiliorneq (Imerfiliorit) toqqarneqarsinnaapput)

 

Sapaatit akunneri 1-2:             Hold 1: Amermik mersorneq

                                                Hold 2: Marriorneq

 

Sapaatit akunneri 3-4:             Hold 1: Marriorneq

                                                Hold 2: Amermik mersorneq

 

Workshoppernermut inniminniisimagussi, ilinniartitsisuusumit attavigineqassaasi:

Inniminniinermi toqqaannartumik ilitsersuisoq Sara Marie Berthelsenimiit, email: qilertilik@outlook.dk - attavigineqarumaarpusi. 

Ullut sammisaqarfiusut, Kalaallisut, Assassorneq ilusilersuinerlu, Qallunaatut, Tuluttut, Inuttut ineriartorneq, Eqqumiitsuliorneq illuliortaaserlu, Inuiaqatigiilerineq
Namminersortoq
522828
qilertilik@outlook.dk
2 lektioner (1,5 tiimit)
Kalaallisut, Qallunaatut, Tuluttut
Nukarliit, Akulliit, Angajulliit
Suleqatigiissitat

1. gang

2. gang

3. gang

4. gang