Sumik siunertaqarpa?
Workshop ingerlanneqassaaq marriortunit Sofianguak Kristiansen aamma Mona Kristine Hammeken taakkua pinngorartitsinermut inissaqartitsissapput, nuannisarnermut aamma itisiliinermut.
Takkuttarnerit minnerpaamik marluk isumaqatigiissutigineqassapput. Takkunnermi siullermi, atuartut marrarmik suliarineqanngitsumik suliaqassapput, takkunnerup aappaani suliarisimasaminnik qalipaassapput marrarnut qalipaatit assigiinngitsut atorlugit.
Marriorneq pillugu
Marriorneq eqqumiitsulioriaasiuvoq ilutsinut tunngassuteqartoq aamma atortunik assigiinngitsunik ilusilersuineruvoq kingorna qalipaatit assigiinngitsut atorlugit qallerneqartussat. Assassornerup pitsaassusia aamma kusanassusia aqqutigalugu marriat pinnersuinnaanatik aammali kulturimik, oqaluttuamik taamatullu inuttut saqqummersikkusutamik ersersitsisarput.
Europamiut Kalaallit Nunaannut nunasisut siulliit ukiut 1000-ikkut naajartorneranni marrianik nassataqarnerisa ilutigisaannik, qeqertap kulturianut annermik akuujartulerpoq. Europamiut marriornermik teknikkinik nassataqarput aamma marriorneq kalaallit ulluinnaannut assassortarnerannullu eqqukkiartuaarneqarpoq.
Kalaallit marriornermik ileqquat nutaaliaasoq kalaallit eqqumiitsulioriaasiannik sunnersimaneqartoq, nangippoq ullumikkullu Kalaallit Nunaanni kulturikkut kingornussat pingaartut ilagilerlugu.
Ilinniartitsinermi anguniakkat uani atuarneqarsinnaapput
Marriorneq qaratsatsinni aamma tarnikkut peqqissutsitsinni
arlalinnik pitsaasunik sunniuteqarsinnaavoq:
Pinngorartitsineq aamma imminut periarfissinneq : Marrarnik suliaqarneq pinngorartitsinerlu
marrarnik suliat pinngorartitsinermut aamma imminut periarfissinnermut siuarsaataasinnaapput.
Marrarmik ilusilersuineq pinngortitsinerlu aqqutigalugit uagut immitsinnut periarfissittarpugut
eqqarsaatitsinnik, misigissutsitsinnik aamma takorluuisinnaanitsinnik eqqumiitsuliorneq aqqutigalugu pilersitsinissatsinnut.
Mindfulness aamma qanilaartuuneq: Marrarnik suliaqarneq mindfulnessimik ingerlatsinermut assingusinnaavoq,
piffissami maannakkumiilluta
iliuutsitsinnik aamma malugissutsitsinnik ukkassilluta. Isummamik eqqissisitseqataasinnaavoq,
uisakajaarnermik annikillisitsilluni eqqissisimanermillu misigissuseqalersitsilluni.
Ukkassisinnaanermik pitsaanerulersitsineq: Marrarmik ilusilersuineq
ukkassisinnaanermik immikkuualuttunillu takunnissinnaanermik piumasaqaatitaqarpoq. Tamanna
uagut qaratsatsinnik ukkassinissamut piginnaanitsinnik sungiusaasinnaavoq
ukkassisinnaanitsinnillu pitsanngorsaalluni.
Akissarsitinneqarneq naammagisimaarinerlu: Marriatta ilusinikkiartuaarnerat isigalugu
naammassinerilu naammagisimaarnermik
akissarsititsineqarnermillu misigissutsimik pilersitsisarput. Tamanna imminut naleqartinnitsinnut eqqarsaatikkullu iluarisimaarnitsinnut qaffassaataasinnaapput.
Malugissutsit eqeersarneqarnerat: Marrarnik suliaqarneq malugissutsinut assigiinngitsunut sunniuteqartarpoq,
taakkununnga ilanngullugit isigisatsinnut, attugaqarnikkut allaammi tipisiuinitsinnut (marrarmit qalipaatissaannillu). Tamanna
malugissutsitta eqeersarneqarnerannut sunniuteqaqataasinnaavoq
aamma avatangiisitsinnut attuumassuteqarnitsinnut sunniuteqaqataasinnaavoq.
Ataatsimut isigalugu marriorneq peqqissaaqataasinnaavoq aamma sammisassaavoq pisuunnguallaataasinnaasoq
uagut pinngorartitsisinnaanitsinnik immitsinnullu periarfissinnermut kisimi sunniuteqanngitsoq,
aammali eqqarsartaatsikkut peqqissuunitsinnut nalerisimanitsinnullu tapertaasoq.
Suleqatigisartakkat
