Sumik siunertaqarpa?

Nuummi Eqqumiitsulianik Saqqummersitsivimmukaritsi eqqumiitsuliallu naamasaatikkut mamassutsinillu malugisaatikkut misissorlugit. Naliginnaasumik eqqumiitsuliat isaannatsinnik misigisarpagut. Ilaannikkut tusaasarpagut qaqutigullu malugisaatitsinnik misigisarlugit. Naamasaatitsinnik mamassutsinillu malugisaatitsinnik misileraalluta eqqumiitsuliat allatigut pissarsiaqarfigisinnaalissavagut, oqaluttuassanik eqqarsaatinillu nutaanik tunisillutik. Misigisaq meeqqat siumut ingerlanerminni atoqqissinnaasaat. Meeqqat matumani assigiinngitsunik naamasaqariarlutik, eqqumiitsuliat pulaffigisinnaasuugunikkit qanoq tipeqassagaluarnersut takorluussavaat. Tamatuma kingorna nerisassat assigiinngitsut ussissavaat, nerisassallu qalipaataat malillugit eqqumiitsuliat qalipaataat nassuiassallugit.

Siunertaq

Meeqqat meeqqerivinniittut 5-6-inik ukiulinnut

Eqqumiitsuliorneq illuliortaaserlu
Nuummi Eqqumiitsulianik Saqqummersitsivik
45 min
Meeqqerivik
Suleqatigiissitat