Sumik siunertaqarpa?

Eqqumiitsuliaq qanoq nipeqarpa, inillu ataasiakkaat iluanni nipi atorlugu qanoq misigisassaliorsinnaavugut? Workshoppi nipip suuneranut, qanorlu eqqumiitsulianik sammisaqarnermi atorneqarsinnaanera misigisaqartitsisinnaaneranullu tunngasuuvoq. Siullermik atuartut Nuummi Eqqumiitsulianik Saqqummersitsiviup nipinik misigisassaliaa tusarnaagassiaq tusarnaassavaat, ininut isersimaffigisanut naleqqussagaq. Taamaaleriarlutik eqimattakkaarlutik namminneq eqqumiitsuliat nipilersussavaat, tusarnaagassiamillu sanallutik.

Siunertaq

Atuartut eqqumiitsulianit misigisatik eqqarsaatitillu nipi tunngavigalugu ersersinnissaat siunertaavoq, taamaalillutillu aamma nipip qanoq atorneqarsinnaaneranik ilikkagaqaqqullugit. Ullut ingerlanerani nipinik assigiinngitsunik tusaasaqartuartarpugut, amerlanerilli malugineq ajorpagut. Nipilli sunnertarpaatigut, misigisaqartittarlutalu. Workshoppimi eqqumiitsuliornermi nipi, nipit qanoq pinngortarneri, nipillu qanoq ittuuneri sammineqassapput

Ullut sammisaqarfiusut, Qallunaatut, Kalaallisut, Aalaneq pissanganartuliornerlu, Eqqumiitsuliorneq illuliortaaserlu, Nipilersorneq erinarsornerlu, Inuttut ineriartorneq
Nuummi Eqqumiitsulianik Saqqummersitsivik
32 77 33
Akunnerit marluk
Qallunaatut, Kalaallisut
Akulliit, Angajulliit
Sammisaqartitsiutigaluni suliaqarneq
Suleqatigiissitat