Sumik siunertaqarpa?
Nunatta Isiginnaartitsinermik Ilinniarfianit isiginnaartitsisartutut ilinniarsimasut peqatigalugit isiginnaartitsisarneq pillugu workshopperneq.
Ilinniartitsisut marluk peqatigalugit ingerlanneqartussaq 1,5 tiiminik sivisussuseqassaaq.
Isiginnaartitsinermik Ilinniarfimmi ilikkarsimasagut piginnaasanik nukittorsaataasinnaasut kiisalu gruppitut peqataasutut misigititsisinnaasut, ataqqeqatigiilluni assigiinngissutsitsinnillu ataqqinnissusermik misigititsisinnaasut iluaqutigalugit atuartut sungiusaatit pinnguarnerillu assigiinngitsut misilerassavaat.
Uatsinnut misigissutsit tamarmik inissaqartinneqarnissaat kikkullu tamarmik qanoq ikkaluarutta inissaqartinneqarnissarput pingaartipparput. Eqqoqqissaartoqaranilu eqqunngitsoqanngilaq.
Ilitsersuisut: Kuka Fleischer, Malu Lynge & Nukakkuluk Kreutzmann.
Sungiusaatinit tigullattaakkat:
- Piareersaqqaarani saqqummiussineq:
- Nasat assigiinngitsut natermut iliorassavagut, ataaserlu atigaanni piareersaqqaarani saqqummiussisoqartassaaq. (Kinaasuusaartoqartassaaq)
- Tulugaq game: iloqqasumiittoqartassaaq aalanermillu sanilimut takutitsisoqarluni, tulukkatullu takusaq ilaarneqartassaaq. Naggataatigut aalariarneq aallartinneraniit allanngortutut isikkoqarsinnaavoq.
- Killisimanartumik isiginnaartitsineq:
Iloqqasumiittoqartassaaq sanilimullu misigissutsimik takutitsilluni, misigissuserlu taanna iloqqasumut ingerlaartinnerani sakkortusiartuaarneqartinneqassalluni.
- Isiginnaartitsivimmi ulissuaq tunuliaqutaasukkut anineq:
Tassani isiginnaartitsivimmi ulissuarmit/saagumit anillattoqartassaaq inuillu saavannut isiginnaartitsiviup qeqqanut nikorfalluni, taamaaleriarluni anillattoqartassaaq.
- Nipilersortariaatsinut assigiinngitsunut qitinneq:
Tunuatungaani nipilersuutinik appisimaartoqassaaq allanngoraannaavissunik, nipilersuutillu appisimaartup qanoq misigitinneraatigut malillugu qitittassaagut.
Timi tamaat atorneqassaaq sunalu tamaat puiorlugu qitissuaarluni. Tassani meeqqat oqaaseq Catharsis (salinneqarneq) ilinniassavaat, taannalu isiginnaartitsisartut silarsuaanni pingaaruteqarluinnartut ilagaat.
- Workshoppernermi sungiusaatinik naggasiineq:
Atuartut naggasiillutik imminnut eqitaassapput oqaatsillu words of affirmations (imminut akuersaarnermik tunngasut pitsaasut) oqaatigisarlugit.
Nukarliit (1. klasse - 4. klasse)
Kalaallisut: Isiginnaartitsinermi oqaatsit kalaallisut atorneri
ilikkarlugit.
Emnedage: Isiginnaartitsinerup silarsuaani pinnguaatit
aammalu isiginnaartitsinerup itisilerlugu paasinera.
Lokale valg – Idræt og udeliv: Nipi timillu kissassernera.
Timip aalatinnera qitinnerlu.
Inuttut ineriartorneq: Silarsuaaraqarnerup inerisarnera.
Imminut naleqartinneq.
Akulliit (5. klasse - 7. klasse)
Kalaallisut: Isiginnaartitsinermi oqaatsit kalaallisut
atorneri ilikkarlugit. Pikkorissaaneq Kalaallisut
ingerlanneqarsinnaavoq.
Tuluttut: Pikkorissaaneq Tuluttut ingerlanneqarsinnaavoq.
Isiginnaartitsinermi oqaatsit atorneqartartut ilikkarlugit.
Emnedage: Isiginnaartitsinerup silarsuaani pinnguaatit
aammalu isiginnaartitsinerup itisilerlugu paasinera.
Lokale valg – Bevægelse og drama: Timi atorlugu
pinnguaatit assigiinngitsut ilinniarlugit aammalu
Melodrama suunersoq ilinniarlugu. (Ass. Iloqqasunngorluni
iliuutsip/misigissutsip allisikkiartornera.)
Lokale valg – Idræt og udeliv: Nipi timillu kissassernera.
Timip aalatinnera qitinneq tasitsaarnerlu.
Inuttut ineriartorneq: Silarsuaqarnerup inerisarnera. Imminut
naleqartinneq. Sassarsinnaaneq misilittarlugu.
Angajulliit (8. klasse - 10. klasse)
Kalaallisut: Pikkorissaaneq Kalaallisut
ingerlanneqarsinnaavoq. Isiginnaartitsinermi oqaatsit
kalaallisut atorneri ilikkarlugit. Isummersorsinnaaneq.
Tuluttut: Pikkorissaaneq Tuluttut ingerlanneqarsinnaavoq.
Isiginnaartitsinermi oqaatsit atorneqartartut ilikkarlugit.
Emnedage: Isiginnaartitsinerup silarsuaani pinnguaatit
aammalu isiginnaartitsinerup itisilerlugu paasinera.
Lokale valg – Bevægelse og drama: Timi atorlugu
pinnguaatit assigiinngitsut ilinniarlugit aammalu
Melodrama suunersoq ilinniarlugu. (Ass. Iloqqasunngorluni
iliuutsip/misigissutsip allisikkiartornera.)
Lokale valg – Idræt og udeliv: Nipi timillu kissassernera.
Timip aalatinnera qitinneq tasitsaarnerlu.
Inuttut ineriartorneq: Silarsuaqarnerup inerisarnera. Imminut
naleqartinneq. Sassarsinnaaneq misilittarlugu. Inoqatinut
ataqqinninnerup eqqaasitsissiissutigineqarnera.
Sammisassaq pisinnaavoq: nal. 09:50 - nal. 16:00 akornanni.
Piffissaq: Oktobarr - decembari
Malugiuk: Inniminniineq sap. ak. sioqqullugu
nalunaarutigineqassammat.
Drama workshop (sammisassaq) uani pisinnaavoq:
- atuarfimmi
- Illorput inersuaani
Suleqatigisartakkat
