Qilaatersorneq
Qilaatersorneq - Kuka Fleischer og Kristian Mølgaard
Meeqqat oqaluttuarisaanermik ilinniartinneqassapput qilaatersorneq qanorlu ullumikkut qilaatersornerup atorneqartarnera pillugu. Qilaatip qanoq atorneqartarnera, soorlu qilaatip qanoq tigummineqartarnera katuarneqartarneralu ilinniartitsissutigineqassapput. Qilaat malillugu qanoq tivasoqartarnera ilikkassavaat naggataatigullu pitsianik ilinniartinneqassapput ilaquttanut kammalaatinullu takutitsinissaq eqqarsaatigalugu.
Kuka Fleischer aamma Kristian Mølgaard tamarmik isiginnaartitsinermik ilinniarsimasuupput ataatsimullu fagini assigiinngitsuni ukiut 30-t misilittagaqartuupput, soorlu isiginnaartitsineq, qitinneq/aalaneq, assilialiorneq, uaajeerneq tivanerlu.
KF aamma KM siornatigut suleqatigeereerput, Kalaallit Nunaanni meeqqanik inuusuttunillu uaajeernermik tivanermillu ingerlatsillutik, Nunatta Isiginnaartitsisarfia, Nuummi Nunani Avannarlerni kulturfestival, Nuummi aamma nunaqarfiini meeqat suleqatigalugit. Tassani meeqqat Nuummeersut Qeqertarsuatsiaaneersullu Nuummi Nunani Avannarlerni kulturfestivalip 2023 aallartinnissaa sapaatip akunnera sioqqullugu uaajeernermik tivanermillu ilinniartinneqarput. Aamma Nuummi nunaqarfiinilu oktobarimi 2023-mi meeqqat naapippaat (Kapisillit aamma Qeqertarsuatsiaat).
Siunertaq
Kulturi pillugu neqeroorutip siunertarivaa, meeqqat inuusuttullu namminneq kulturiminnik ilisimasaqarnerulernissaat taakkulu sammisassatut neqeroorutiginissai. Peqatigitillugu imminnut tatiginerulernissaat kulturiminnillu paasinninnissaat.
- Sammisassat:
- Qilaatersorneq
- Kulturikkut oqaluttuarisaaneq
- Kalaallit Nunaat
- Oqaluttuaq
- Qitinneq
- Nipilersuutit
