Asasakka kulturikkut isumassarsiorfimmik atuisut,

Katersugaasivik Nuutoqaq-mi maannakkut saqqummersitassamik suliaqarpugut, Nuup oqaluttuarisaaneranik ilinniartitsinermilu atorsinnaasunik imaqarumaarpoq.

Taamaammat oktobarip 15-niik, 2024 ukiortaarnissaata tungaanut ilinniartitsinermik aliikkutaqartitsinerit unitsikkallarpagut.

Qilanaarpugut ukiumi nutaamiik aliikkutassat assigiinngitsut saqqummersitarlu nutaaq misigitinnissaanut.

Soorunami nalinginnaasumik ammasarfiit malillugit Katersugaasivik Nuutoqaq ammasarumaarpoq alakkarneqarsinnaalluni.

Pingasunngorneq, arfininngorneq sapaallu nal. 13.00-16.00

Katersugaasivik Nuutoqaq-mi takuss

Nuuk 1728-mi Hans Egedemiit tunngavilerneqarpoq, piffissamilu allannguutit annertuut pisimallutik. Kalaallillu Nunaanni kalaallit inooriaasaannik allanngortoqangaatsiarfiuvoq. Allanngortut, unamminarsimasut, qanorlu kalaallit nunasiaatinngornerup siorna kingornalu inuusimanerat eqqartorneqarput.

Nuutoqqami taamanikkut illuliarineqarsimasut amerlasuut suli napapput, piffissamilu tassani qanoq niuernerup ajoqersuinerullu qitiutigisimanerannut takussutissaallutik. 

Ullumikkut pisuttuarfittut, aaqqissuussanik ingerlatsivittut, katersugaasiviliarfittut, neriartorfittullu atorneqarsinnaanera nuannarineqarluartuuvoq.

Illoqarfiup katersugaasiviani Nuutoqaq pillugu oqaluttuanik oqaluttuassartaanillu tusarnaariarit.  Ullumikkut qanoq atorneqartarnera aamma eqqartussavarput, atuartut aamma namminneq Nuutoqqap qanoq atorneqartarsinnaaneranik isumassarsiornissaminnut periarfissinneqassapput. 

Kinguninngua isiginnaagassiamik sammisamut attuumassutilimmik isiginnaassaagut (30 minutsit missaanni). (suli piffissaqassappat)

Sammisaqartitsineq 1 imaluunniit 1 ½ tiimimik sivisussuseqarpoq, isiginnaagassiallu aallartinngilaattaa unillatsiarnertaqarluni.

Klassinut tamanoorpoq. Klassit sorliit peqataanersut apeqqutaalluni sammisaqartitsineq allanngoralaarsinnaavoq.

Siunertaq

Atuartut sumiiffimmi oqaluttuarisaaneq ilisimasaqarfigilissavaat, atuartut illoqarfiup ineriartornera qangalu inooriaaseq eqqarsaatersuutigisinnaaneranut piginnaasaat nukittorsarneqassapput. Atuartut inuiaqatigiinni suut pingaartinneqarnersut eqqarsaatersuutigilissavaat, taamaasillutillu taamanikkut maannakkullu assigiinngissutsinik / assigiissutsinik eqqarsaatiginnilersinneqassallutik. Oqaluttuarineqartut angerlaatissavaat, tamakkulu pillugit angajoqqaatik/aanaa aataakkutik taamanikkut inuuneq, maannakkullu inuuneq pillugu oqaloqatigisinnaanngussallugit.

Aammattaaq Nuutoqqap ineriartortinnissaanut isumassarsioqataasussaallutik, taamaasillutik isumassarsianik ineriartortitsineq, illoqarfiup inissisimaneranik periarfissanillu eqqarsaatersuuteqarfigisussaallugu.


  • Sammisassat:
  • Illut
  • Oqaluttuaq
  • Kinaassuseq
  • Nuuk
  • Ineriartorneq
  • Inuiaqatigiit/Inuiaat