Nassuiarnera: Nuuk Kalaallit Nunaanni illoqarfiit pingaarnersaraat annersaralugulu, illoqarfimmullu nutsertut amerliartuinnavillutik. Nuuk Issittumi illoqarfiit pingaarnersaattut suna immikkuullarissutigaa? Nunarsuarmi Issittup soqutigineqarneruleraluttuinnarnera qanoq sunniuteqarpa? Allannguutit annertuut ingerlapput, soorlu mittarfissuaq, nutsertut amerliartornerat illoqarfiullu alliartornera. Ineriartornerup isumaa, siunissami Nuuk, periarfissaasinnaasullu oqaluuseraagut. Nuuk ilissi isissinnit qimerlooriarutsigu, ukiullu qulit qaangiuppata Nuuk qanoq isikkoqassasorinerissi. Ikiortigalusi ilissilu suliassinnik (atuarfimmiit iPadisi atorlugit isiginnaagassianik, assinillu nassuiaasersukkanik) ilioraavimmik piffissamut tunngasumik (tidsboks) sanassaagut. Taanna ilioraavik piffissamut tunngasoq 2031-mi ammaqqissavarput, neriullutalu ilissi isissinniit Nuup ineriartornera qanoq ingerlasimanersoq suliarisimasarsi saqqummiussinermut atorsinnaassallugu. Nuuk 2021 - 2031-mik taasinnaavarput.

Sammisamut attuumassutilimmik naatsumik isiginnaagaqassaagut.

Periuseq nuannersoq allaanerusorlu atorlugu illoqarfiit pingaarnersaat oqaluttuarisaanerlu sammillugit.

Ingerlatsinermut uunga filmiliarineqarnissarsi pillugu angajoqqaasi atsiortillugit akuersiteqqaassavasi.

Siunertaq

Nuuk Issittumi illoqarfinni pingaarnersatut qanoq paasisariaanersoq qanorlu nunanit allanit Kalaallit nunaata soqutigineqarneruleriartornera atuartunit paasisaqarfiginissaa. Massakkut siunissamilu illoqarfiit pingaarnersaata inuusuttut sumik tunniussaqarfigisinnaavai?

Siumut eqqarsarsinnaassuseq, siunissami periarfissanik, maannalu ineriartornerput pisoq atuartut paasisinnaanerulissavaat. Qulequttat sammisat soorlu mittarfeqarneq, takornariaqarneq, aatsitassiorfiit, aalisarneq, piujuartitsineq allallu qaqinneqassapput. Atuartut piffissamut tunngasumik ilioraaviliorlutik suliamik nuannersumik sammisaqartinneqassapput. Tassunga paasissutissanik ilioraassaagut ukiut qulit qaangiuppata isiginnittaaseq alla atorlugu qiviaqqissinnaasassatsinnik, namminerlu oqaluttuarisaanermut tunngasumik suliaqarlutik saqqummiussinertaqassalluni: Nuuk 2021 - 2031