Katersugaasivik sunaava? Illu qanoq misigisassarsiorfigineqarsinnaava? Illup isikkua, initai inissisimaffialu pillugu oqaluttuassartaqarpa? Maluginiutit atorlugit inimi misigisassarsiortoqarsinnaava? Katersugaatit suuppat - illillu suut katersugaatigaagit?

Nuummi Eqqumiitsulianik Saqqummersitsivimmi imaluunniit Nuutoqqami (Nuuk Lokalmuseum) paasisassarsiorit. Illuliortaatsip oqaluttuassartaa katersugaasivillu suunersut paasisaqarfigikkit.

Maluginiutitik suliassiissutigineqartullu atorlugit atuartut katersugaasivinni suliaqassapput, katersugaasiviit illutaannik illulioriaatsit, oqaluttuassartaat kiisalu eqqumiitsulianik saqqummersitsiviit Nuummilu katersugaasiviit suuneri sammissavaat.

Siunertaq

Katersugaasiviit qanoq ittuusinnaanerannik aamma katersugaasiviit assigiinngitsuusinnaanerannik atuartut misigisaqartinnissaat. Maluginiutit assigiinngitsut atorlugit illuliortaatsip oqaluttuassartaanik takunnissinnaanissaat. Atuartut nutaaliorsinnaassusertik alapernaassusertillu atorlugu katersugaasiviliornissamut isumassarsiorsinnaanissaat.


  • Sammisassat:
  • Aaqqissuussaq
  • Illut
  • Eqqarsaatersorneq
  • Inuiaqatigiit/Inuiaat
  • Eqqarsarneq
  • Eqqumiitsuliorneq
  • Kulturikkut oqaluttuarisaaneq
  • Kulturi