Marriortitsineq “Tiitorfiit nammineq isumassarsiat malillugu ilusilersoruk” atuartunut 7.-10. klassinut tulluartoq marloriarluni Illorput-mi marriorfimmut takkunnikkut ingerlanneqartussaq. Atuartut tiitorfimmik  nammineq sananissamik periarfissaqarput. Marriortitsinerit marriortumit Lena Olsenimit ingerlanneqassapput nutaaliorsinnaanermik, nuannisarnissamik, pinnguarnissamik itisiliinissamillu periarfissiivoq.

Takkuteqqaarnermi tiitorfik oqallisigalugu ulluinnarnilu atorneqartarnera pillugu oqallinnermik aallatissaaq. Nunani allani tiitorfiit nalinginnaasumik ilusilersortarsimanerannik assilissanik takutitsisoqassaartaaq.  Atuartut tiitorfiup sanarusutatsik ilusaa aaliangereerunikku  piffissap sinnera tiitorfiup ilusilersornissaanut atussavaat.  Lenap tiitorfiup qanoq sananeqarsinnaaneranut periuutsit assigiinngitsut pingasut takutissavai.

Takkuteqqinnermi atuartut tiitorfiliatik assigiinngitsunik qalipaasersussavaat sikassaaserlugulu.  Kiisalu tiitorfiit qalipaasersorlugit kusassakkat assingi takutinneqassapput.

Takkuteqqinnermi sanaat qanoq ilinikkut  aaneqarnissaat isumaqatigiissutigineqassaaq.

Klassi marlunngorlugu avinnissaanut periarfissaqarpoq, taamaalilluni klassimi peqataarusuttut tamarmik peqataanissaannut periarfissillugit.

Malugiuk: Workshoppi sivikinnerpaamik qaammat ataaseq sioqqullugu  inniminnerneqassaaq.

Siunertaq

Uani workshoppimi atuartut marraq atorlugu suliaqarsinnaaneq ilinniassavaat, kiisalu marraq atortussianngorlugu eqqumiitsuliaraluguluunniit suliarisinnaanerlugu ilinniassallugu.  Atuartut namminneq assatik atorlugit nutaaliorsinnaanertik misilittagaqarfigilissavaat, inuttut ineriartorfigisaminnik.


  • Sammisassat:
  • Atortussiat
  • Ilusilersuineq
  • Assassorneq
  • Marriorneq
  • Nutaaliorsinnaaneq
  • Marraq