Nuummi Eqqumiitsulianik Saqqummersitsivik suleqatigalugu eqqumiitsuliortup Gudrun Haslep nunani assigiinngitsuni eqqumiitsuliortut allat qaaqqusimavai, Holmip Illuata silataani erfalasuliorfimmut erfalasulioqqullugit.

Erfalasut assigiinngitsorpassuupput, soorlu naalagaaffiit erfalasui, arsaattartut klubbiisa erfalasui, erfalasut kalerrisaarutit, qinunermi erfalasut allarpassuillu. Erfalasut assigiinngitsorpassuarnik isumaqarsinnaapput – ulloqartarpugut erfalasulerfiusunik, pisortaqarfiit erfalasulerfissanik ulloqartarput, nalliuttorsiornerni erfalasulersortarpugut, ilaatigullu aamma ulluinnarni erfalasulersortarluta. Erfalasulersimagaagatta nalunaaqutsiisarpugut, ungasianiilluunniit attaveqatigiinnermut atorlugit. Erfalasut kinaassutsimut sumullu attuumassuteqarnermut tunngasinnaapput.

Eqqumiitsuliortoq siulleq tassaavoq Miki Jacobsen. Eqqumiitsuliortup tullia tassaavoq Savalimmiormioq Jóhan Martin Christiansen. Eqqumiitsuliortup pingajuat tassaavoq Gudrun Hasle. Eqqumiitsuliortup sisamaat tassaavoq Jeanette Ehlers.

Erfalasup sisamaat Jeanette Ehlers-imit suliarineqarpoq oqaasertalerneqarluni: ”Løvip oqaluttuarisaanerani piniartoq ajunngitsuujuassaaq løveq nammineerluni oqaluttuarisaanerminik suliarinnittalinngippat”.

http://www.nuukkunstmuseum.com/kal/erfalasoq-jeannette-ehlers/

Download:

Erfalasoq – Jeanette Ehlers

Siunertaq

Atuartut ataasiakkaarlutik erfalasut, kinaassuseq, sumut attuumassuteqarneq, inuiaqatigiillu suuneri pillugit eqqarsaatersuuteqarnissaq eqqartuinissarlu.


  • Sammisassat:
  • Erfalasoq
  • Suna Erfalasoq
  • Kinaassuseq
  • Kulturi
  • Eqqumiitsuliorneq
  • Nuna