Dramanermik ilinniartitsineq
Dramanermik ilinniartitsineq Kuka Fleischer - Kristian Mølgaard
Meeqqat aalanermik, nipip sungiusarneranik aamma teateriliornermik sungiusartassapput, taakkunani timip nipillu atornissaat ilinniassavaat soorlu aamma isiginnaartitsisassasut, tamanna inuusuttut isiginnaartitsisartut soorunami aamma inuttut iluaqutigissavaat. Aamma isumassarsiamiit isiginnaartitsissutinngortitsineq ilinniassavaat ilaquttanut ikinngutinullu takutinneqartussamik.
Kuka Fleischer (KF) aamma Kristian Mølgaard (KM) tamarmik isiginnaartitsinermik ilinniarsimasuupput ataatsimullu fagini assigiinngitsuni ukiut 30-t misilittagaqartuupput, soorlu isiginnaartitsineq, qitinneq/aalaneq, assilialiorneq, uaajeerneq tivanerlu.
KF aamma KM siornatigut suleqatigeereerput, Kalaallit Nunaanni meeqqanik inuusuttunillu uaajeernermik tivanermillu ingerlatsillutik, Nunatta Isiginnaartitsisarfia, Nuummi Nunani Avannarlerni kulturfestival, Nuummi aamma nunaqarfiini meeqat suleqatigalugit. Tassani meeqqat Nuummeersut Qeqertarsuatsiaaneersullu Nuummi Nunani Avannarlerni kulturfestivalip 2023 aallartinnissaa sapaatip akunnera sioqqullugu uaajeernermik tivanermillu ilinniartinneqarput. Aamma Nuummi nunaqarfiinilu oktobarimi 2023-mi meeqqat naapippaat (Kapisillit aamma Qeqertarsuatsiaat).
Siunertaq
Kulturi pillugu neqeroorutip siunertarivaa, meeqqat inuusuttullu namminneq kulturiminnik ilisimasaqarnerulernissaat taakkulu sammisassatut neqeroorutiginissai. Peqatigitillugu imminnut tatiginerulernissaat kulturiminnillu paasinninnissaat.
- Sammisassat:
- Isiginnaartitsineq
- Isiginnaagassiaq
- Imminut naleqartinneq
- Inuttut ineriartorneq
- Isiginnaagassiaq pissanganartuliaq
